មេចុងភៅប្រចាំប៉ុស្តិ៍ CNN ប៉ាវអូបាម៉ាចូលហាង \"បាញ់ឆា\" និងផឹកស្រាបៀរក្នុងក្រុងហាណូយ
24-May-2016 | ដោយ មែន កំសត់
ប្រធានាធិបតីអាមេរិក បារ៉ាក់ អូបាម៉ា បានទទួលទានជាមួយពិធីករទូរទស្សន៍ និងជាចុងភៅ លោក អ៊ែនថូនី ប័រដេន (Anthony Bourdain) ក្នុងរដ្ឋធានីវៀតណាមកាលពីថ្ងៃចន្ទ (២៣ ឧសភា)។ ការសន្ទនារបស់អ្នកទាំងពីរ ដែលកើតឡើងអំឡុងការទទួលទាន "បាញ់ ឆា" (សាច់ជ្រូកអាំង និងនំបញ្ចុក) នឹងត្រូវចាក់ផ្សាយក្នុងកម្មវិធីរបស់លោកប័រដេន Parts Unknown នៃប៉ុស្តិ៍ CNN។
លោកប័រដេនបាននិយាយតាម Twitter ថា អាហារមួយពេលនេះអស់ថ្លៃត្រឹមតែ ៦ ដុល្លារប៉ុណ្ណោះ។ តារាក្នុងកម្មវិធី No Reservations រូបនេះក៏បានស៊ែរលើ Instagram ផងដែរថា "ជំនាញកាន់ចង្កឹះរបស់លោកប្រធានាធិបតីគឺជាចំណុចចាប់អារម្មណ៍ជាងគេ" ។
ប្រធានាធិបតីអូបាម៉ាបានជួបតារាទូរទស្សន៍រូបនេះក្នុងអំឡុង ការធ្វើដំណើររយៈពេលបីថ្ងៃដែលធ្វើឡើងក្នុងគោលបំណងពង្រឹងភាពជាដៃគូ របស់អាមេរិកជាមួយវៀតណាម ចំពេលដែលមានការកើនឡើងការអះអាងសិទ្ធិកាន់កាប់របស់ចិនក្នុងតំបន់។
កាលពីព្រឹកថ្ងៃចន្ទ លោកបានប្រកាសការសម្រេចចិត្តរបស់ប្រទេសរបស់លោកថានឹងដកបម្រាមលក់ អាវុធទៅវៀតណាមទាំងស្រុង ដោយដកចោលនូវបម្រាមចំណាស់រាប់ទសវត្សរ៍មកលើអតីតសត្រូវរបស់ខ្លួន៕
ចំនួនអ្នកទស្សនា
- ថ្ងៃនេះ1601
- ម្សិលមិញ2891
- សប្តាហ៍នេះ20451
- ខែនេះ66551
- ឆ្នាំនេះ402811
- សរុប19630257